ప్రేమ స్వరూపం(Embodiment of Love)

ఓం శ్రీ సాయిరాం

ప్రేమ స్వరూపం

సాయి అను నామము లేకున్న

కలము ఎటుల కదుల గలదు

భక్తి యను భావము లేకున్న

మదిని కవిత ఎటుల కలుగు

***

సత్యం యను వేరు లేకున్న

ధర్మవృక్ష మెటుల నిలువ గలదు

శాంతి యను స్థాపన లేకున్న

మతములెటుల ఒకటిగ చేరగలవు

***

అహింస యను ఆయుధమే లేకున్న

జీవమెటుల బ్రతుక గలదు

సేవ యను మార్గము లేకున్న

గర్వ మెటుల తొలగ గలదు

***

ప్రేమ యను రూపము లేకున్న

సాయి నెటుల ఎరుగ గలము 

రచన

రెడ్లం చంద్రమౌళి

పలమనేరు