Tuesday 8 October 2019

అందమైన కందాలు

ఓం శ్రీ సాయిరాం
అందమైన కందాలు 



కం. వందనము తెలుగు తల్లీ 
అందరమూ జేతులెత్తి దండము సేయన్
కందమునేమని చెప్పుదు
సుందరముగ పాదమమరె సొగసుల తోడన్


కం. జయము జయము గురువులకును
దయతో భారతి వచింప పలికిన కందం
లయ జేతును మీ తోడుగ
నయమే నే  మేలుకొంటి నలుగురితోడన్


కం. కలగా మిగిలిన కందము
జల జలమని వలచి వచ్చి ఝరిలో జేరెన్
ఇలపై నిలవని మనసున
తొలగాలిక తెరలమబ్బు తరుణంబిదియే

రచన
చంద్రమౌళి రెడ్లం
పలమనేరు

Monday 7 October 2019

కంద పద్యం

ఓం శ్రీ సాయిరాం

కంద పద్యం



కం. వచ్చిన స్వాతంత్ర్యమ్మును 
ముచ్చటగా జరుపుకొనిరి పుడమిని జనులున్
తెచ్చిన వీరుల గాధలు
మెచ్చుట గాదిది భవితను మేల్కోవలెనన్

   

రచన
చంద్రమౌళి రెడ్లం
పలమనేరు