ఓం శ్రీ సాయిరాం
చేయి అందించి మనప్రేమ గెలిపించవ
పల్లవి:
నీలాల నింగిలో చందమామ
నీ కొరకై వేచెను ఈ కలువ భామ
వెన్నెల వీడి నన్ను చేరగ రావ
కలిసెదము హృదయముల వ్యధలు తీర్చగ
||నీలాల||
చరణం:1
సఖా లాలించే పాటవై రావా
నన్ను మురిపించే మాటవైపోవా
నిన్ను చేరే క్షణం ప్రేమ పులకించదా
తీపి అధరాల రుచి చూడ భాగ్యమీయవా
||నీలాల||
చరణం:2
నీలి మేఘాల కబురంప లేద
కోటి రాగాల ఉయ్యాలలూగ
రేయి స్వప్నాలను నన్ను వేధించక
చేయి అందించి మనప్రేమ గెలిపించవ
||నీలాల||
--రెడ్లం చంద్రమౌళి
పలమనేరు
No comments:
Post a Comment