ఓం శ్రీ సాయిరాం
వదలక పదములు విడువక పట్టి
తేది 16-04-2017
పల్లవి:
నమ్మెను నామది నిరతము సాయిని
వదలక పదములు విడువక పట్టి
||నమ్మెను నామది||
చరణం :1
చేసిన పాపమొ ఆ విధి శాపమొ
కాలము వేసెను గాలము
రక్కసి కర్కట రాచపుండుగ
ప్రాణము చేకొని పోవగ తలచి
||నమ్మెను నామది||
చరణం :2
జన్మకు బ్రహ్మలు తల్లిదండ్రులు
తీరెను ఋణమని తలచగ
వడి వడి నే నీ పదములు పట్టగ
కంటికి రెప్పగ కాపాడితివని
||నమ్మెను నామది||
చరణం :3
తప్పితి మార్గము చేరగ గమ్యము
తడబడి అడుగుల వేయగ
బిర బిర రావ దారిచూపగ
కనులార్పక నే నీకై వేచి చూడగ
||నమ్మెను నామది||
రచన
రెడ్లం చంద్రమౌళి
పలమనేరు
No comments:
Post a Comment