ఓం శ్రీ సాయిరాం
మౌనమా ప్రియతమా
మౌనం తన భాషేనా మాటకు యెడబాటేనా
పలికే భావాలన్నీ కన్నుల కదలికలేనా
ప్రియతమా...
****
ఎందరిలో నే వున్నా అందెల సవ్వడి విన్నా
ఆశగా నా కళ్ళు వెదికేను నీకై దిశలు
ప్రియతమా ...
****
అల్లన నిను చూడంగా ఝల్లున ఎగసే మనసు
అనుకోని ఆనందాన్ని తనలోన చవిచూసిందే
ప్రియతమా ...
****
చూపులు కలిసే వేళ ఊపిరి వరదౌతుంటే
ప్రాణం చెరిసగమై ప్రేమగా చిగురించిందే
ప్రియతమా ...
****
నవ్విన నిను చూడంగా యవ్వన మేఘామృతము
వలపుల చందనమద్ది మనసును తడిపేసిందే
ప్రియతమా ...
****
ఎదురే పడగా నీవు యెదలో యేమౌతుందో
తెలిపే భాష నేనైతే ప్రేమే కవితయ్యిందే
ప్రియతమా ...
****
రచన
చంద్రమౌళి రెడ్లం
పలమనేరు
No comments:
Post a Comment