ఓం శ్రీ సాయిరాం
తొలకరింతలా పలకరించు
మేఘమా మేఘమా మెరవకే అలా
గాలిలో అలా సాగితే ఎలా
గంగనే నింగిలో దాచుకోకలా
రాళ్ళసీమనే మరిచితే ఎలా
రైతు కంటనీరు పెట్టనీకలా
కారుమబ్బులా ముసిరితే ఎలా
మండుటెండల ఎండిపోయె ఇల
దుక్కిదున్ని ఏతమెత్తి
విత్తునాటిన పల్లెసీమ
రెప్పవాల్చక ఎదురు చూస్తే
పట్టలేదని మరలిపోతివా
నేల కొంగుచాచి అడుగలేదనా
నింగి అంచుదాక ఎగిరిపోతివి
ఎందుకమ్మా ఇంత క్షామం
ఎవరి మీద ఈ ప్రకోపం
నిన్ను నమ్మిన బిడ్డ మీద
నన్ను కన్న గడ్డ మీద
అలక మాని ఇలకు చేరు
వాన నవ్వులా నేల రాలు
తొలకరింతలా పలకరించు
రచన
మీ రెడ్లం చంద్రమౌళి
పలమనేరు
No comments:
Post a Comment